Qazaxistan "Aktobe"si Reynaldonun yenidən "Qarabağ"da çıxış edəcəyini təsdiqləyib.
Sportnet.az-ın klubun rəsmi "Instagram" səhifəsinə istinadən məlumatına görə, braziliyalı hücumçu iki illik fasilədən sonra Ağdam komandasının formasını geyinəcək. Reynaldonun müqavilə üçün bugünlərdə Bakıya uçacağı vurğulanıb. Müqavilə müddətinin isə 2,5 illik olacağı göstərilib.
Qeyd edək ki, Reynaldo "Qarabağ"da 2013 - 2016-cı illərdə çıxış edib. 89 oyunda 47 qol vuran "sambaçı" 2013-2014 mövsümündə 31 qarşılaşmada 22 dəfə fərqlənərək, bombardir olub.
