Birləşmiş Ərəb Əmirliklərinin (BƏƏ) paytaxtı Abu-Dabidə keçirilən klublararası dünya çempionatında daha bir finalçı müəyyənləşib.
Sportnet.az-ın məlumatına görə, ikinci yarımfinal görüşündə İspaniya "Real Madrid"i Yaponiyanın "Kasima Antlers" komandasını 3:1 hesabı ilə yenib. Qalib komandadan Qaret Beyl 44, 53 və 55-ci dəqiqələrdə fərqlənərək, het-trik edib. Asiyalıların qolunu isə 78-ci dəqiqədə Stoma Doi vurub.
Dekabrın 22-də keçiriləcək final görüşündə "Real Madrid"in rəqibi BƏƏ təmsilçisi "Əl-Ayn" olacaq. "Əl-Ayn" yarımfinalda Argentina "River Pleyt"inə penaltilər seriyasında qalib gəlib - 5:4. Görüşün əsas vaxtı 2:2 hesablı heç-heçə ilə yekunlaşıb.
