İspaniyanın "Marca" nəşri 2018-ci ilin yekunları əsasında dünyanın 100 ən yaxşı futbolçusunun siyahısını dərc edib.
Sportnet.az xəbər verir ki, nüfuzlu KİV "Barselona" və Argentina yığmasının hücumçusu Lionel Messini birinci yerə layiq görüb. "Qızıl top"un sahibi - "Real Madrid"in və Xorvatiya millisinin yarımmüdafiəçisi Luka Modriç ikinci pillədə yer alıb. Üçüncü yer isə "Atletiko" və Fransa yığmasının forvardı Antuan Qrizmanna qismət olub.
Hazırda İtaliya "Yuvetus"unda çıxış edən Portuqaliya yığmasının forvardı Kriştianu Ronaldu isə dördüncü yerlə kifayətlənib.
