ABŞ-ın "Nyu-York Kosmos" klubu "Qarabağ"ın futbolçusu Ansi Aqolliyə təklif göndərib.
Sportnet.az xəbər verir ki, tərəflər arasında transferlə bağlı artıq 10 gündən çoxdur danışıqlar aparılır. Danışıqlar müsbət nəticələnsə, 36 yaşlı alban müdafiəçi elə bu ay Ağdam klubunu tərk edəcək.
Əfsanəvi Pelenin fəxri prezidenti olduğu "Nyu-York Kosmos" Şimali Amerika Futbol Liqasında (səviyyəsinə görə ikinci liqa) çıxış edir.
Qeyd edək ki, ABŞ-da transfer pəncərəsi martın, Ansi Aqollinin "Qarabağ"la müqaviləsi isə cari mövsümün sonunda başa çatır. Aqolli Ağdam təmsilçisində 2011-ci ildən çıxış edir (qol.az).
