17 yaşadək futbolçulardan ibarət Azərbaycan yığması Avropa çempionatının ilkin seçmə mərhələsində növbəti oyununu keçirib.
"Report"un məlumatına görə, Vüqar Məmmədin baş məşqçi olduğu komanda ikinci matçda Almaniya ilə üz-üzə gəlib. Yunanıstanın Patra şəhərində keçirilən qarşılaşma Azərbaycan millisinin 0:2 hesablı məğlubiyyəti ilə yekunlaşıb.
Qeyd edək ki, U-17 noyabrın 19-da Qazaxıstanla üz-üzə gələcək. Komanda qrupdakı ilk oyunda meydan sahibi Yunanıstana uduzub - 1:6.
Azərbaycan - Almaniya - 0:2
Qol: Torber Rhein, 30. Turan Çalhanoğlu, 50
Baş hakim: Denis Şurman (Ukrayna)
Baş hakimin köməkçiləri: Viktor Matyaş (Ukrayna), Konstantinos Triantafyllou (Yunanıstan)
Dördüncü hakim: Stefanos Koymparakis (Yunanıstan)
