"Zirə" komandası Azərbaycan Premyer Liqasında mövsümün ikinci yarısına hazırlıq ərəfəsində yoxlama oyununu keçirib. Sportnet.az-ın məlumatına görə, rəqib "Keşlə 2" olub.
Zirə İdman Kompleksində təşkil olunmuş qarşılaşma meydan sahiblərinin qələbəsi ilə yekunlaşıb - 6:1. Qalib komandadan qolları Ağabala Ramazanov, Davit Volkov, Əli Şirinov, Adrian Skarlatake və Xulio Sezar Rodriges (2) vurub.
"Zirə" matçı bu "11-lik"lə keçirib: Orxan Sadıqlı, Raud Hüseynli, Yovan Krneta, Alie Sesay, Tellur Mütəllimov, Elvin Camalov, Cavid Hüseynov (k.), Şafik Tiqruca, Ağabala Ramazanov, Davit Volkov, Riçard Qadze.
Qeyd edək ki, "Zirə" Premyer Liqanın XV turunda "Sabah"ı qəbul edəcək. Görüş fevralın 1-də keçiriləcək.
