“Sumqayıt”la Azərbaycan Premyer Liqasının VI turunun səfər matçında (1:2) vurulan qol “Zirə”nin tarixinə düşüb.
Sportnet.az xəbər verir ki, bu top klubun bütün turnirlərdə vurduğu ümumilikdə 250-ci qoldur.
Sumqayıtdakı görüşədək 249 dəfə rəqib qapısına yol tapan “qartallar”ın yubiley qoluna Davit Volkov imza atıb. Bu, “Zirə”nin ümumilikdə 197-ci oyununda gerçəkləşib. Komandanın orta məhsuldarlığı 1,27-yə bərabərdir.
250 qoldan 167-si Premyer Liqada, 55-i I divizionda, 23-ü Azərbaycan kubokunda, 5-i UEFA Avropa Liqasında qeydə alınıb.
Qeyd edək ki, “Zirə” evdə 137, səfərdə 113 dəfə fərqlənib.
