
UEFA "Qarabağ" klubunun Mətbuat xidmətinin rəhbəri Nurlan İbrahimovla bağlı yekun qərarını açıqlayıb.
Sportnet.az qurumun rəsmi saytına istinadən xəbər verir ki, İbrahimov futboldan ömürlük kənarlaşdırılıb.
O, Dağlıq Qarabağ münaqişəsi zamanı feysbukda ermənilərlə bağlı paylaşımına görə bu cəzaya məruz qalıb.
Qeyd edək ki, UEFA daha əvvəl İbrahimova qarşı "İrqçi və digər ayrı-seçkilik davranışı" və "Əsas davranış qaydalarının pozulması" maddəsi ilə intizam işi açmışdı.