FIFA-nın Mübahisələrin Həlli Palatası rusiyalı futbolçu Sərdar Sərdarovla Xorvatiyanın "İnter" klubu arasındakı problemlə bağlı qərar verib.
Sportnet.az-ın məlumatına görə, bu barədə 27 yaşlı hücumameylli yarımmüdafiəçinin maraqlarını təmsil edən SILA hüquq şirkəti xəbər yayıb.
Dağıstan əsilli vinger Zapreşiç təmsilçisinin müqaviləni birtərəfli qaydada pozması və ona ödənilməli olan mükafatın verilməməsi barədə qitə futbol qurumuna müraciət etmişdi. FIFA sonda təcrübəli oyunçunun lehinə qərar verib.
Qeyd edək ki, ötən ilin avqustundan Macarıstanın "Mezyokyoveşd" komandasında çıxış edən Sərdar Sərdarov 2018-ci ildə "Sumqayıt"da baxışda olub. "Gənclik şəhəri" təmsilçisi ilə müqavilə imzalamağa hazırlaşan futbolçu sonradan fikrini dəyişərək Polşanın "Krakoviya" klubuna keçib. Həmçinin o, ötən ilin sonunda Rusiya mətbuatına müsahibəsində Azərbaycan millisindən təklif aldığını, amma qəbul etmədiyini bildirib.
