"Neftçi" klubunun futbolçusu Cavid İmamverdiyev Türkiyənin "Elazığspor" komandasının məşqlərinə qoşulub. Sportnet.az-ın məlumatına görə, 24 yaşlı yarımmüdafiəçi dünən baş məşqçi Ümit Özatın rəhbərliyi altında çalışıb.
Antalyanın Bələk bölgəsində yerləşən "Arcadia Otel"də məskunlaşan komanda günü tək hazırlıqla başa çatdırıb.
Qeyd edək ki, bir müddətdir Cavid İmamverdiyevin "Elazığspor"dan ayrılacağı gündəmdə idi. Onun məşqdə iştirak etməsi yayılan söz-söhbətlərə son qoymuş oldu.
