Futbol üzrə Azərbaycan millisi bu gün təlim-məşq toplanışı çərçivəsində sonuncu yoldaşlıq oyununu keçirib.
Sportnet.az-ın məlumatına görə, Canni De Byazinin baş məşqçi olduğu komanda Moldova yığmasının qonağı olub.
Kişineudakı "Zimbru" stadionunda oynanılmış qarşılaşma meydan sahiblərinin qələbəsi ilə yekunlaşıb - 1:0. Yeganə qolu 8-ci dəqiqədə Vitali Damaşkan vurub.
Azərbaycan yığması oyunun böyük hissəsini hücumda keçirməsinə baxmayaraq, hesabı dəyişə bilməyib. Üstəlik, 81-ci dəqiqədə Bədavi Hüseynov zədələnərək, meydanı tərk etdikdən sonra əvəzləmə limiti tükəndiyi üçün komanda matçı 10 futbolçu ilə başa vurmalı olub.
Beləliklə, iki kollektiv arasında sayca 11-ci görüşdə Moldova dördüncü qələbəsini qazanıb. Azərbaycanın isə cəmi 2 qələbəsi var. Bu, həm də 9-cu yoldaşlıq matçı olub.
Hazırda rəqib komandaya "Neftçi"nin sabiq baş məşqçisi Roberto Bordin rəhbərlik edir.
6 iyun
Yoldaşlıq oyunu
20:00. Moldova - Azərbaycan - 1:0
Qol: Vitali Damaşkan, 8
Moldova: 23.Kristian Avram, 3.Vadim Boloqan (13.Maksim Poternitse, 64), 4.İqor Armaş, 5.Vyaçeslav Posmak, 9.Vitali Damaşkan (19.İon Nikolaesku, 58), 14.İqor Kostrov (8.George Anton, 46), 15.İon Jardan, 17.Aleksandr Belousov, 18.Kristian Dros, 20.Sergey Platitsa (6.Daniel Dumbravanu, 90+1), 22.Vadim Ratsa (10.Danu Spetaru, 59)
Ehtiyat oyunçular: 1.Dumitru Çelyadnik, 12.Nikolay Çebotari, 2.İqor Arxirey, 7.Andrey Kojokari, 11.Yevgeni Oançya, 16.Aleksandru Antonyuk, 21.Nikki Sergey Kleşçenko
Baş məşqçi: Roberto Bordin
Azərbaycan: 23.Mehdi Cənnətov, 2.Qara Qarayev, 3.Azər Salahlı (17.Elvin Cəfərquliyev, 76), 4.Höccət Haqverdi (14.Sərtan Taşqın, 46), 5.Maksim Medvedev (13.Şəhriyar Əliyev, 52), 7.Namik Ələskərov (21.Toral Bayramov, 46), 8.Emin Mahmudov (19.Anatoli Nuriyev, 65), 10.Aleksey İsayev, 11.Ramil Şeydayev, 15.Bədavi Hüseynov, 18.Anton Krivotsyuk (22.Rüstəm Əhmədzadə, 46)
Ehtiyat oyunçular: 1.Emil Balayev, 12.Aydın Bayramov, 6.Vüqar Mustafayev, 9.Rəhim Sadıxov, 16.Elvin Camalov, 20.İsmayıl İbrahimli
Baş məşqçi: Canni De Byazi
Kişineu, "Zimbru" stadionu
Qeyd edək ki, daha əvvəl Alanyada Türkiyə yığmasına 1:2 hesabı ilə uduzan Azərbaycan millisi ardınca Minskdə Belarusu eyni hesabla yenib.
