İsveçrə nəşrlərindən biri bu gün "Bazel" komandasını qəbul edəcək "Qarabağ"ı "Neftçi" ilə səhv salıb.
Sportnet.az-ın məlumatına görə, yanlışlıq bazonline.ch saytında təxmini heyətlər fotosunda əksini tapıb.
Sayt "Qarabağ"ın "11-liy"ində "Neftçi"nin oyunçuları Aqil Məmmədov, Yusuf Laval, Voislav Stankoviç, Mamadu Mboc, Mert Çelik, İsmayıl Zülfüqarlı, Mamadu Kane, Emin Mahmudov, Romen Bask, Famil Camalov və Sabir Buqrini göstərib. Məhz bu oyunçular sentyabrın 12-də flaqmanın heyətində Ağdam təmsilçisi ilə oyunun start heyətində yer alıblar.
Qeyd edək ki, bu gün Bakı Olimpiya Stadionunda keçiriləcək "Qarabağ" - "Bazel" oyunu saat 20:45-də başlanacaq.
