"Bu, millimizin ilk oyunu idi. Yaşar Vahabzadə 3 gün ərzində komandaya motivasiya verməyi bacardı". Bunu Sportnet.az-ın Antalyaya ezam olunmuş əməkdaşına açıqlamasında AFFA Məşqçiləri Komitəsinin üzvü Şahin Diniyev deyib.
Komitə üzvü Türkiyənin Antalya şəhərində təlim-məşq toplanışı keçən 21 yaşadək futbolçulardan ibarət milli haqda fikirlərini bildirib. Qazaxıstanın "Atırau" komandası üzərində 2:1 hesablı qələbənin gözəl başlanğıc olduğunu qeyd edən Diniyev, belə komandaya qarşı mübarizə aparmağın sevindirici olduğunu deyib: "Komandanın qalib ruhu ilə oynamasında bu qələbənin vacib rolu var. Amma daha ciddi rəqiblər irəlidədir. Komanda inkişaf etməlidir. Bunun üçün millinin potensialı da var. Zədə üzündən düşərgədə olmayan bir neçə futbolçunun qayıdışından sonra millidə rəqabət yaranacaq. Rəqabət isə komandanı yalnız irəli aparacaq".
