Məşhur şotlandiyalı futbolçu Deyv Makay vəfat edib. Sportnet.az-ın məlumatına görə, uzun sürən xəstəlikdən sonra 80 yaşında dünyasını dəyişib.
Futbolçu kimi Şotlandiya millisinin forması ilə 22 oyuna çıxan Makay "Hart", "Tottenhem", "Derbi Kaunti" klublarının şərəfini qoruyub. 1969-cu ildə İngiltərədə jurnalistlərin seçimi ilə ilin ən yaxşı futbolçusu adını qazanan Makay 60-cı illərdə "Tottenhem"in ürəyi adlandırılırdı.
Futbolçu karyerasını başa vurduqdan sonra baş məşqçi kimi özünü sınayan Makay "Nottingem Forest", "Derbi Kaunti", "Əl-Ərabi", "Əl-Şəbab", "Birmingem" klublarını və Qətər yığmasında çalışıb.
