UEFA Çempionlar Liqasında 1/8 final mərhələsinə start verilib.
Sportnet.az-ın məlumatına görə, ilk oyun günündə 2 qarşılaşma keçirilib.
Gecənin maraqlı matçı Fransada PSJ və İspaniya "Real Madrid"i arasında baş tutub. "Park-de-Prens" stadionunda oynanılan görüşün taleyini 1 qol həll edib Oyunun əsas vaxtına əlavə olunmuş 4-cü dəqiqədə fərqlənən Kilian Mbappe meydan sahiblərinə qələbə qazandırıb. 62-ci dəqiqədə Paris klubunun argentinalı hücumçusu Lionel Messi penaltidən yararlana bilməyib.
Gecənin digər oyununda isə İngiltərənin "Mançester Siti" klubu Portuqaliyada "Sportinq"in qonağı olub. "Şəhərlilər" rəqibini 5:0 hesabı ilə darmadağın edib. Qonaqların heyətində qolları 7-ci dəqiqədə Riyad Mahrez, 17 və 44-cü dəqiqələrdə Bernardu Silva, 32-ci dəqiqədə Fil Foden və 58-ci dəqiqədə Rahim Sterlinq vurublar.
Komandalar arasında cavab matçları martın 9-da gerçəkləşəcək.
Qeyd edək ki, 1/8 final mərhələsinin digər oyunları fevralın 16-sı, 22-si və 23-də keçiriləcək.
------------------------------------------
Bu gün UEFA Çempionlar Liqasında 1/8 final mərhələsinə start veriləcək.
Sportnet.az-ın məlumatına görə, ilk oyun günündə 2 qarşılaşma keçiriləcək. Hər iki görüş Bakı vaxtı ilə saat 00:00-da başlayacaq.
Gecənin ən maraqlı matçı Fransada PSJ və İspaniya "Real Madrid"i arasında olacaq. "Park-de-Prens" stadionunda oynanılacaq görüşü italiyalı FIFA referisi Daniele Orsato idarə edəcək.
Meydan sahiblərinin heyətində zədəli Serxio Ramos sabiq klubuna qarşı oynamayacaq. Ander Erreranın isə meydana çıxıb-çıxmayacağı dəqiq bilinmir. "Kral klubu"nda isə Kərim Benzemanın həmyerlilərinə qarşı matçda forma geyinib-geyinməyəcəyi sual altındadır.
Gecənin digər oyununda İngiltərənin "Mançester Siti" klubu Portuqaliyada "Sportinq"in qonağı olacaq. Görüşün baş hakimi serbiyalı Srcan Yovanoviç olacaq.
Lissabon təmsilçisindən Pedru Qonsalveşin, "şəhərlilər"dən isə Cek Qriliş, Koul Palmyer və Qabriel Jezusun oynayıb-oynamayacağı bəlli deyil. Qonaqlarda Kayl Uoker isə cəza səbəbindən matçı buraxacaq.
Qeyd edək ki, 1/8 final mərhələsinin digər ilk oyunları fevralın 16-sı, 22-si və 23-də baş tutacaq.
UEFA Çempionlar Liqası, 1/8 final mərhələsi
İlk oyunlar
15 fevral
00:00. PSJ (Fransa) - "Real Madrid" (İspaniya) - 1:0
Qol: Kilian Mbappe, 90+4
İstifadə olunmamış penalti: Lionel Messİ (PSJ), 62
Baş hakim: Daniele Orsato (İtaliya)
00:00. "Sportinq" (Portuqaliya) - "Mançester Siti" (İngiltərə) - 0:5
Qollar: Riyad Mahrez, 7. Bernardu Silva, 17; 44. Fil Foden, 32. Rahim Sterlinq, 58
Baş hakim: Srcan Yovanoviç
