AFFA-nın futzal üzrə koordinatoru Zaur Hacı-Məhərrəmov UEFA-dan təyinat alıb.
Sportnet.az milli assosiasiyanın rəsmi saytına istinadən xəbər verir ki, o, Avstriyanın LASK və Çexiyanın "Slaviya" komandaları arasında keçiriləcək UEFA Konfrans Liqasının 1/8 final mərhələsinin cavab oyununda UEFA nümayəndəsi olacaq.
Qeyd edək ki, qarşılaşma martın 17-də Avstriyanın Sankt-Polten şəhərindəki NV Arenada gerçəkləşəcək. Komnndalar arasında ilk matç martın 10-da Çexiyada oynanılacaq.
