Çempionlar Liqasının 1/8 final mərhələsinin cavab görüşü "Portu" üçün uğursuz başlayıb. Sportnet.az-ın məlumatına görə, İsveçrə "Bazel"i ilə qarşılaşmanın 18-ci dəqiqəsində Portuqaliya təmsilçisinin iki oyunçusu toqquşub.
Qapıçı Fabiano ilə müdafiəçi Danilonun toqquşması ikinciyə baha başa gəlib. Tərəflər bir neçə dəqiqə yerdə qalsa da, əlcək sahibi özünü toparlaya bilib. Komandanın kapitani olan Danilo isə oyunu davam etdirə bilməyib. Huşunu itirən futbolçu təcili tibbi yardım maşını ilə xəstəxanaya çatdırılıb.
Onu matçın 22-ci dəqiqəsində Martins İndi əvəzləyib.
