"Neftçi" Türkiyənin Bolu şəhərindəki təlim-məşq toplanışına yollanan futbolçuların adlarını açıqlayıb.
Sportnet.az "ağ-qaralar"ın rəsmi saytına istinadən xəbər verir ki, baş məşqçi Laurentsiu Regekampf hazırlıq prosesinə 23 oyunçu ilə start verəcək.
Qeyd edək ki, "Neftçi" hazırlıq çərçivəsində 3 yoxlama matçında qüvvəsini sınayacaq. Komanda iyulun 6-da "Sakaryaspor"la üz-üzə gələcək.
Paytaxt təmsilçisi UEFA Konfrans Liqasının II təsnifat mərhələsində Kiprin “Aris” klubu ilə qarşılaşacaq. İlk oyun iyulun 21-i səfərdə, cavab matçı bir həftə sonra Bakıda baş tutacaq.
