UEFA Çempionlar Liqasında pley-off görüşlərinə yekun vurulub.
Sportnet.az-ın məlumatına görə, ikinci oyun günündə keçirilən qarşılaşmalarla qrup mərhələsinin son 3 iştirakçısı bəlli olub.
Azərbaycan millisinin futbolçusu Mahir Emrelinin çıxış etdiyi "Dinamo" (Zaqreb) klubu Xorvatiyada Norveçin "Budö Qlimt" komandasını sınağa çəkib. Səfərdə 0:1 hesabı ilə uduzan Zaqreb təmsilçisi evdəki görüşün əsas vaxtında minimal üstünlüklə qalib gəlib - 2:1. Ümumi hesab bərabərləşdiyindən əlavə vaxt oynanılıb. Burada daha 2 qol vuran meydan sahibləri yekunda 4:1 hesablı qələbə ilə qrup mərhələsinə adlayıb.
Oyuna ehtiyatda başlayan Emreli 60-cı dəqiqədə Dario Şpikiçin yerinə meydana daxil olub.
Türkiyənin turnirdəki yeganə təmsilçisi "Trabzonspor" evdə Danimarka "Kopenhagen"i ilə qolsuz bərabərliyə razılaşıb. Bu nəticə qonaqları Çempionlar Liqasının, meydan sahiblərini isə Avropa Liqasının qrupuna daşıyıb.
PSV isə Niderlandda Şotlandiya "Reyncers"i ilə bacarmayıb - 0:1. Qlazqo təmsilçisi səfər qələbəsi hesabına qrup mərhələsinə vəsiqə qazanıb.
-------------------------------------------
Bu gün UEFA Çempionlar Liqasında pley-off görüşlərinə yekun vurulacaq.
Sportnet.az-ın məlumatına görə, ikinci oyun günündə keçiriləcək 3 cavab qarşılaşması ilə qrup mərhələsinin bütün iştirakçıları bəlli olacaq.
Azərbaycan millisinin futbolçusu Mahir Emrelinin çıxış etdiyi "Dinamo" (Zaqreb) klubu Xorvatiyada Norveçin "Budö Qlimt" komandasını sınağa çəkəcək. Zaqreb təmsilçisi ilk matçda 0:1 hesabı ilə uduzub.
Türkiyənin turnirdəki yeganə təmsilçisi "Trabzonspor" da cavab oyununu evdə keçirəcək. Qara dəniz təmsilçisi Danimarkada 1:2 hesabı ilə məğlub olduğu "Kopenhagen"i qəbul edəcək.
PSV isə Niderlanda Şotlandiya "Reyncers"i ilə münasibətlərinə aydınlıq gətirəcək. Qlazqodakı ilk görüşdə heç-heçə qeydə alınıb - 2:2.
UEFA Çempionlar Liqası
Pley-off mərhələsi, cavab oyunları
24 avqust
23:00. "Dinamo" (Zaqreb, Xorvatiya) - "Budö Qlimt" (Norveç) - 4:1 (ƏLAVƏ VAXTDA - 2:0)
Qollar: Mislav Orşiç, 4. Bruno Petkoviç, 35. Yosip Drmiç, 117. Petar Boçkay, 120 - Albert Qrönbek, 70
İlk oyun - 0:1
23:00. "Trabzonspor" (Türkiyə) - "Kopenhagen" (Danimarka) - 0:0
İlk oyun - 1:2
23:00. PSV (Niderland) - "Reyncers" (Şotlandiya) - 0:1
Qol: Antonio Çolak, 60
İlk oyun - 2:2
Qeyd edək ki, hazırda qrup mərhələsinin 32 iştirakçısından 29-u məlumdur.
