Misli Premyer Liqasının V turunda daha bir görüş keçirilib.
Sportnet.az-ın məlumatına görə, "Neftçi" öz meydanında "Sumqayıt"ı böyük hesabla məğlub edib – 3:0.
"Ağ-qaralar"dan qolları 19-cu dəqiqədə Ataa Caber, 55-ci dəqiqədə penaltidən Emin Mahmudov və 77-ci dəqiqədə Rəhman Hacıyev vurub.
Bu qələbədən sonra paytaxt klubu xalını 12-yə çatdıraraq 3-cü pilləyə yüksəlib. Hazırda "Qarabağ" və "Sabah" da "Neftçi" ilə eyni xala malikdir. Sadəcə, Laurentsiu Regekampfın baş məşqçi olduğu kollektiv rəqiblərindən bir oyun artıq keçirib.
Qələbə və qol üzünə həsrət qalan "Sumqayıt" isə 2 xalla 8-ci pillədə qalıb.
Qeyd edək ki, V turun açılış matçında "Qarabağ" "Kəpəz"ə, "Turan Tovuz" "Şamaxı"ya 1:0 qalib gəlib. Turun "Sabah" – "Səbail" və "Zirə" – "Qəbələ" qarşılaşmaları sentyabrın 4-də baş tutacaq.
------------------------------
Misli Premyer Liqasının V turunda daha bir görüş keçirilib.
Sportnet.az-ın məlumatına görə, "Turan Tovuz" səfərdə "Şamaxı"nı məğlub edib – 1:0.
Yeganə qolu Tovuz klubunun kamerunlu hücumçusu Runi İva Vankevay vurub. O, 85-ci dəqiqədə fərqlənib.
Bu nəticədən sonra Ayxan Abbasovun baş məşqçi olduğu komanda turnir cədvəlində 7 xalla 5-ci sıraya qalxıb. "Şamaxı" isə 1 xalla 9-cu yerdədir.
Qeyd edək ki, V turun açılış matçında "Qarabağ" "Kəpəz"ə 1:0 hesabı ilə qalib gəlib. Turun "Neftçi" - "Sumqayıt" oyunu bu gün, "Sabah" - "Səbail" və "Zirə" - "Qəbələ" qarşılaşmaları sentyabrın 4-də baş tutacaq.
------------------------------
Bu gün Misli Premyer Liqasında V turun növbəti matçları keçiriləcək.
Sportnet.az xəbər verir ki, ikinci oyun günündə iki qarşılaşma baş tutacaq.
İlk görüş Şamaxıda olacaq. Şəhərin eyniadlı komandası "Turan Tovuz"u qəbul edəcək. Meydan sahibləri 1 xalla 9-cu, Tovuz təmsilçisi 4 xalla 5-ci pillədə yer alıb. Komandalar indiyədək yerli çempionatda qarşılaşmayıblar.
Günün ikinci matçında "Neftçi" "Sumqayıt"la üz-üzə gələcək. Paytaxt klubu 9 xalla 4-cü, "gənclik şəhəri" təmsilçisi 2 xalla 8-ci pillədə qərarlaşıb. Bu, tərəflərin Premyer Liqada yubiliyev - 40-cı oyunu olacaq. Əvvəlki matçların 19-da "ağ-qaralar", 12-də qonaqlar meydanı 3 xalla tərk edib. 8 görüşdə qalib müəyyənləşməyib. Topların nisbətində də "Neftçi" üstündür - 58:44. Son 2 qarşılaşmanın hərəsində 2 qol vuran meydan sahibləri qələbə qazanıb. “Sumqayıt” son 5 görüşdə rəqibini məğlub edə bilməyib.
Misli Premyer Liqası, V tur
3 sentyabr
16:00 “Şamaxı” – “Turan Tovuz” - 0:1
Qol: Runi İva Vankevay, 85
Hakimlər: Rauf Allahverdiyev, Namiq Hüseynov, Cəmil Quliyev, Elvin Bayramov
Hakim-inspektor: Ramil Diniyev
Şamaxı şəhər stadionu
20:30 “Neftçi” – “Sumqayıt” - 3:0
Qollar: Ataa Caber, 19. Emin Mahmudov, 55 (penalti). Rəhman Hacıyev, 77
Hakimlər: Kamal Umudlu, Rəhman İmami, Vüsal Məmmədov, Tural Qurbanov
Hakim-inspektor: Babək Quliyev
“Bakcell Arena”
Qeyd edək ki, turun ilk matçında "Qarabağ" "Kəpəz"i 1:0 hesabı ilə üstələyib. Turun "Sabah" - "Səbail" və "Zirə" - "Qəbələ" qarşılaşmaları sentyabrın 4-də baş tutacaq.
