UEFA Çempionlar Liqasının qrup mərhələsində sonuncu - VI turun daha 6 oyunu keçirilib.
Sportnet.az-ın məlumatına görə, bununla da 1/8 finala yüksələn daha 2 komandanın adına aydınlıq gəlib.
D qrupunda Fransada "Marsel"ə 2:1 hesabı ilə qalib gələn İngiltərə "Tottenhem" 1-ci, Portuqaliyada "Sportinq"i eyni hesabla məğlub edən Almaniya "Ayntraxt"ı isə 2-ci yerin sahibi kimi adını növbəti mərhələyə yazdırıb.
Niderland "Ayaks"ı, Almaniya "Bayer"i, İspaniya "Barselona"sı və "Sportinq" isə mübarizəni Avropa Liqasının pley-offunda davam etdirəcək.
Qeyd edək ki, daha əvvəl İtaliyanın "Napoli" və "İnter", İngiltərənin "Liverpul", "Mançester Siti" və "Çelsi", Almaniyanın "Bavariya" və "Borussiya" (Dortmund), İspaniyanın "Real Madrid", Fransanın PSJ, Belçikanın "Brügge", Portuqaliyanın "Benfika" və "Portu" komandaları pley-offa vəsiqə qazanıblar.
----------------------------------------------
UEFA Çempionlar Liqasının qrup mərhələsində sonuncu - VI tura start verilib.
Sportnet.az-ın məlumatına görə, artıq B qrupunda mübarizəyə yekun vurulub.
Portuqaliyada İspaniyanın "Atletiko" (Madrid) komandasına 2:1 hesabı ilə qalib gələn "Portu" 1/8 finala qrup lideri kimi adlayıb. Madrid təmsilçisi sonuncu yeri tutaraq, avrokuboklarla vidalaşıb.
Almaniyada "Bayer"lə qolsuz heç-heçə edən Belçika "Brügge"si pley-offa ikinci yerin sahibi kimi yüksəlib. Qrup 3-cüsü olan Leverkuzen təmsilçisi isə mübarizəni Avropa Liqasının pley-off mərhələsində davam etdirəcək.
Qeyd edək ki, "Portu" və "Brügge" ilə yanaşı, İtaliyanın "Napoli" və "İnter", İngiltərənin "Liverpul", "Mançester Siti" və "Çelsi", Almaniyanın "Bavariya" və "Borussiya" (Dortmund), İspaniyanın "Real Madrid", Fransanın PSJ və Portuqaliyanın "Benfika" komandaları pley-offa vəsiqə qazanıblar.
------------------------------------------------
Bu gün UEFA Çempionlar Liqasının qrup mərhələsində sonuncu - VI tura start veriləcək.
Sportnet.az-ın məlumatına görə, ilk oyun günündə A, B, C və D qruplarında keçiriləcək 8 oyundan sonra 1/8 finalın daha 2 iştirakçısı bəlli olacaq.
A qrupunda pley-offa vəsiqəni təmin etmiş iki komanda - "Liverpul" və İtaliya "Napoli"si İngiltərədə üz-üzə gələcək. Qrup liderliyini müəyyənləşdirmək baxımından önəm daşıyan qarşılaşma Bakı vaxtı ilə saat 00:00-da başlayacaq. Qrupun digər görüşündə isə Niderland "Ayaks"ı Şotlandiyada "Reyncers"in qonağı olacaq. Amsterdam təmsilçisi 4 top fərqi ilə uduzsa belə, Avropa Liqasının pley-offuna vəsiqə qazanacaq.
B qrupunda növbəti mərhələyə adlaması dəqiqləşən Belçika "Brügge"si Almaniyada "Bayer"lə, "Portu" isə Portuqaliyada İspaniyanın "Atletiko" (Madrid) klubu ilə qarşılaşacaq. "Brügge" və "Portu" qrup liderliyi, "Bayer" və "Atletiko" isə 3-cü yer uğrunda mübarizə aparacaq.
C qrupunda bütün suallara aydınlıq gəldiyindən "Bavariya" (Almaniya) - "İnter" (İtaliya) və "Viktoriya" (Plzen, Çexiya) - "Barselona" (İspaniya) matçları formal xarakter daşıyacaq.
D qrupunda isə 4 komandanın hər birinin pley-off şansı davam edir. Portuqaliyada "Sportinq" və Almaniyanın "Ayntraxt" (Frankfurt) klubu, Fransada isə "Marsel" və İngiltərə "Tottenhem"i arasında keçiriləcək oyunlarda qələbə qazanan kollektivlər 1/8 finala yüksələcək. Hər iki görüşdə heç-heçə qeydə alınarsa, "Tottenhem" və "Sportinq" qrupdan çıxacaq. "Ayntraxt" isə yoluna Avropa Liqasında davam edəcək.
Çempionlar Liqası
Qrup mərhələsi, VI tur
1 noyabr
A qrupu
00:00. "Liverpul" (İngiltərə) - "Napoli" (İtaliya) - 2:0
Qollar: Məhəmməd Salah, 85. Darvin Nunyes, 90+8
00:00: "Reyncers" (Şotlandiya) - "Ayaks" (Niderland) - 1:3
Qollar: Ceyms Tavernye, 86 (penalti) - Stiven Bergeys, 4. Məhəmməd Kudus, 29. Fransişku Konseysau, 89
Xal durumu: "Napoli" - 15 . "Liverpul" - 15. "Ayaks" - 6. "Reyncers" - 0.
B qrupu
21:45. "Portu" (Portuqaliya) - "Atletiko" (Madrid, İspaniya) - 2:1
Qollar: Mehdi Taremi, 5. Stiven Euştakiu, 24 - İvan Markano, 90+5 (avtoqol)
21:45. "Bayer" (Almaniya) - "Brügge" (Belçika) - 0:0
Xal durumu: "Portu" - 12, "Brügge" - 11. "Bayer" - 5. "Atletiko" - 5.
C qrupu
00:00. "Bavariya" (Almaniya) - "İnter" (İtaliya) - 2:0
Qollar: Benjamen Pavar, 32. Erik Çupo-Motinq, 72
00:00. "Viktoriya" (Plzen, Çexiya) - "Barselona" (İspaniya) - 2:4
Qollar: Tomaş Hori, 51; 63 - Markos Alonso, 6. Ferran Torres, 44; 54. Pablo Torre, 75
Xal durumu: "Bavariya" - 18. "İnter" - 10. "Barselona" - 7. "Viktoriya" - 0.
D qrupu
00:00. "Sportinq" (Portuqaliya) - "Ayntraxt" (Frankurt, Almaniya) - 1:2
Qollar: Artur Qomes, 39 - Daiti Kamada, 62. Randal Kolo Muani, 72
00:00. "Marsel" (Fransa) - "Tottenhem" (İngiltərə) - 1:2
Qollar: Şansel Mbemba, 45+2 - Kleman Lanqle, 54. Pyer-Emil Höyberq, 90+5
Xal durumu: "Tottenhem" - 11. "Ayntraxt" - 10. "Sportinq" - 7. "Marsel" - 6.
Qeyd edək ki, "Napoli", "Liverpul", "Brügge", "Portu", "Bavariya" və "İnter"lə yanaşı, Almaniyanın "Borussiya" (Dortmund), İspaniyanın "Real Madrid", Fransanın PSJ, Portuqaliyanın "Benfika", İngiltərənin "Mançester Siti" və "Çelsi" komandaları da pley-offa vəsiqəni təmin ediblər.
