Futbol üzrə Azərbaycan Premyer Liqasında XIII turun daha bir oyunu keçirilib.
Sportnet.az-ın məlumatına görə, "Neftçi" Sumqayıtda eyniadlı komandanın qonağı olub. "Kapital Bank Arena"da oynanılan görüş 2:2 hesablı heç-heçə ilə başa çatıb.
İlk qolu 42-ci dəqiqədə meydan sahibləri vurublar. Yeni transfer Riçard Qadze fərqlənib. 47-ci dəqiqədə Qodsvey Donyo tarazlığı bərpa etsə də, 61-ci dəqiqədə Murad Xaçayev "gənclik şəhəri" təmsilçisini yenidən hesabda önə keçirib. Son nöqtəni isə 87-ci dəqiqədə qonaqlardan Ataa Caber qoyub.
Bu nəticədən sonra xallarını 26-ya çatdıran "Neftçi" 3-cü pillədəki mövqeyini qoruyub. 5 xalı olan "Sumqayıt" isə sonuncudur.
Qeyd edək ki, turun əvvəlki oyunlarında "Şamaxı" səfərdə "Turan Tovuz"a 3:1, "Qəbələ" isə evdə "Zirə"yə 1:0 hesabı ilə qalib gəlib. Tura noyabrın 6-da keçiriləcək "Səbail" - "Sabah" və "Qarabağ" - "Kəpəz" görüşləri ilə yekun vurulacaq.
-------------------------------------------------
Futbol üzrə Azərbaycan Premyer Liqasında XIII turun daha bir oyunu keçirilib.
Sportnet.az-ın məlumatına görə, Qəbələnin eyniadlı komandası evdə "Zirə"ni qəbul edib. Qəbələ şəhər stadionunda oynanılan görüş meydan sahiblərinin minimal hesablı qələbəsi ilə başa çatıb. Yeganə qolu əsas vaxta əlavə olunmuş 3-cü dəqiqədə Ülvi İsgəndərov vurub. 25 yaşlı hücumçu meydanın mərkəzindən topu rəqib qapısından keçirib.
Bu nəticədən sonra xallarını 20-yə çatdıran "qırmızı-qaralar" 4-cü pilləyə yüksəlib. 19 xalı olan "qartallar" isə 5-ci sıraya geriləyib. Bu, paytaxt təmsilçisinin ardıcıl 2-ci məğlubiyyəti olub.
Günün son oyununda "Neftçi" səfərdə "Sumqayıt"ın qonağı olacaq.
Qeyd edək ki, tura noyabrın 6-da keçiriləcək "Səbail" - "Sabah" və "Qarabağ" - "Kəpəz" görüşləri ilə yekun vurulacaq.
---------------------------------------------------
Bu gün Misli Premyer Liqasında XIII turun daha 2 oyunu keçiriləcək.
Sportnet.az-ın məlumatına görə, günün ilk matçında "Qəbələ" "Zirə"ni qəbul edəcək. Hazırda paytaxt klubu 19 xalla 4-cü, əyalət təmsilçisi isə 17 xalla 5-ci pillədə qərarlaşıb.
İki komanda indiyədək ölkə çempionatında 28 dəfə qarşılaşıb. Bunların 9-da "qırmızı-qaralar", 6-da "qartallar" qələbə qazanıb. 13 qarşılaşma sülhlə başa çatıb. Topların nisbətində də bölgə təmsilçisinin üstünlüyü var - 33:24.
Son iki qarşılaşmada üç qol vurulub. “Qəbələ”nin meydanındakı son dörd matçda heç-heçə qeydə alınıb.
Günün digər oyununda "Neftçi" "Sumqayıt"da eyniadlı komandanın qonağı olacaq. "Ağ-qaralar" 25 xalla 3-cü sırada yer alıb. 4 xalı olan "gənclik şəhəri" təmsilçsi isə sonuncudur.
Komandalar bunadək Premyer Liqada 40 dəfə üz-üzə gəlib. Bunların 20-si "Neftçi"nin, 12-si "Sumqayıt"ən xeyrinə yekunlaşıb. 8 görüşdə qalib müəyyənləşməyib. Bakılıların vurduğu 61 qola sumqayıtlılar 44 topla cavab veriblər.
“Neftçi” son üç oyunda qalib gəlib. “Sumqayıt” iki matçdır qol vura bilmir.
Misli Premyer Liqası
XIII tur
5 noyabr (şənbə)
15:00. "Qəbələ” – “Zirə” - 1:0
Qol: Ülvi İsgəndərov, 90+3
Hakimlər: Rauf Cabarov, Namiq Hüseynov, Eyyub İbrahimov, Nicat İsmayıllı
Hakim-inspektor: Ramil Diniyev
Qəbələ şəhər stadionu.
19:00. “Sumqayıt” – “Neftçi” - 2:2
Qollar: Riçard Qadze, 41. Murad Xaçayev, 61 - Qodsvey Donyo, 47. Ataa Caber, 87
Hakimlər: Cavid Cəlilov, Rahil Ramazanov, Vüsal Məmmədov, Vüqar Həsənli
Hakim-inspektor: Babək Quliyev
“Kapital Bank Arena”.
Qeyd edək ki, turun açılış matçında "Şamaxı" səfərdə "Turan Tovuz"a 3:1 hesabı ilə qalib gəlib. Tura noyabrın 6-da keçiriləcək "Səbail" - "Sabah" və "Qarabağ" - "Kəpəz" görüşləri ilə yekun vurulacaq.
