Qətərdə keçirilən dünya çempionatının G qrupunun ilk turunda Braziliya - Serbiya matçı başa çatıb.
Sportnet.az-ın məlumatına görə, qarşılaşma braziliyalıların 2:0 hesablı qələbəsi ilə yekunlaşıb.
Qolları 62 və 73-cü dəqiqələrdə Rişarlison vurub.
Bu qələbə ilə ilk 3 xalını qazanan Braziliya millisi top fərqi ilə qrupda birinci pilləni ələ keçirib. İkinci İsveçrənin də 3 xalı var. Kamerun və Serbiya isə xalsızdır.
Bununla da mundialda bütün qruplarda ilk tura yekun vurulub.
------------------------------
Qətərdə keçirilən dünya çempionatında Portuqaliya və Qana yığmaları arasında H qrupunun ilk tur oyunu başa çatıb.
Sportnet.az-ın məlumatına görə, qarşılaşma Portuqaliyanın 3:2 hesablı qələbəsi ilə başa çatıb
---------------------------------------
Qətərdə keçirilən dünya çempionatının H qrupunda I tura start verilib.
Sportnet.az-ın məlumatına görə, qrupun ilk matçında Uruqvay millisi Cənubi Koreya yığması ilə qarşılaşıb. Görüş qolsuz bərabərliklə yekunlaşıb.
Bu nəticədən sonra kollektivlər hərəyə 1 xalla hələlik ilk iki sıranı bölüşdürür.
Qeyd edək ki, H qrupunun digər qarşılaşmasında Portuqaliya seçməsi Qana ilə münasibətlərinə aydınlıq gətirəcək.
-----------------------------------
Qətərdə təşkil olunan dünya çempionatının qrup mərhələsində bu gün daha 4 oyun keçiriləcək.
Sportnet.az-ın məlumatına görə, günün ilk görüşü G qrupunda baş tutacaq. Bakı vaxtı ilə saat 14:00-da start götürəcək qarşılaşmada İsveçrə və Kamerun yığmaları münasibətlərinə aydınlıq gətirəcəklər. Bu qrupun digər matçında isə Braziliya milli komandası Serbiya ilə üz-üzə gələcək. Həmin görüş Bakı vaxtı ilə saat 23:00-da başlayacaq.
H qrupunda Uruqvay və Cənubi Koreya yığmaları Bakı vaxtı ilə saat 17:00-da, Portuqaliya və Qana seçmələri isə saat 20:00-da qarşılaşacaqlar.
DÇ-2022
24 noyabr
G qrupu
14:00. İsveçrə - Kamerun - 1:0
Qol: Bril Embolo, 48
Baş hakim: Fakundo Telyo (Argentina)
"Əl-Canub" stadionu
23:00. Braziliya - Serbiya - 2:0
Qollar: Rişarlison, 62; 73
Baş hakim: Alireza Faqani (İran)
"Lusail" stadionu
H qrupu
17:00. Uruqvay - Cənubi Koreya - 0:0
Baş hakim: Kleman Türpen (Fransa)
"Edyukeyşn Siti" stadionu
20:00. Portuqaliya - Qana 3:2
Qollar: Kriştianu Ronaldu, 48 (p). Joau Feliks, 78. Rafael Leao, 80 - Andrey Suyu, 73. Bukari, 89
Baş hakim: İsmail Elfat (ABŞ)
"Stadiium 974" arenası
Xal durumu: Portuqaliya - 3, Uruqvay - 1, Cənubi Koreya - 1, Qana - 0
Qeyd edək ki, dünya çempionatına dekabrın 18-də yekun vurulacaq.
