Misli Premyer Liqasında XIX turun daha bir oyunu keçirilib.
Sportnet.az-ın məlumatına görə, "Zirə" öz meydanında "Sumqayıt"la qarşılaşıb. Görüş "qartallar"ın inamlı qələbəsi ilə başa çatıb - 3:1.
Hesabı 4-cü dəqiqədə qonaqlar açıblar. Vüsal İsgəndərli adını tabloya yazdırıb. Meydan sahibləri 50-ci dəqiqədə Dmitrios Çantakiasın qolu ilə tarazlığı bərpa edib. 73-cü dəqiqədə Loris Bronyo paytaxt təmsilçisini önə keçirib. 6 dəqiqə sonra isə Toni Qomes yekun hesabı müəyyənləşdirən qolu vurub.
Bu qələbə ilə xallarını 31-ə çatdıran "Zirə" 4-cü pillədəki yerini qoruyub. 12 xalı olan "Sumqayıt" isə 9-cu sırada qalıb.
Qeyd edək ki, turun əvvəlki oyunlarında "Kəpəz" evdə "Qəbələ" ilə 2:2 hesablı heç-heçə edib, "Qarabağ" isə səfərdə "Turn Tovuz"a qalib gəlib - 3:2. Tura yanvarın 26-da keçiriləcək "Şamaxı" - "Səbail" və "Sabah" - "Neftçi" görüşləri ilə yekun vurulacaq.
--------------------------------
Misli Premyer Liqasında XIX turun daha bir oyunu keçirilib.
Sportnet.az-ın məlumatına görə, lider "Qarabağ" "Turan Tovuz"un qonağı olub. Tovuz şəhər stadionundakı qarşılaşma "köhlən atlar"ın qələbəsi ilə başa çatıb - 3:2.
Hesabı 10-cu dəqiqədə Ağdam klubundan Musa Qurbanlı açıb. 23-cü dəqiqədə meydan sahiblərindən Runi Eva tarazlığı bərpa edib. 4 dəqiqə sonra Ramil Şeydayev qonaqları yenidən önə keçirib. 85-ci dəqiqə hesab növbəti dəfə bərabərləşib. Ehtiram Şahverdiyev fərqlənib. Ağdamlıların qələbə qolunu isə 89-cu dəqiqədə Bəhlul Mustafazadə vurub.
Bu nəticədən sonra xallarını 53-ə çatdıran "Qarabağ" liderliyini möhkəmləndirib. 17 xalı olan "Turan Tovuz" isə 6-cı pillədə qərarlaşıb.
Günün ikinci oyununda "Zirə" "Sumqayıt"ı qəbul edəcək.
Qeyd edək ki, turun açılış matçında "Kəpəz" evdə "Qəbələ" ilə heç-heçə edib - 2:2. Tura yanvarın 26-da keçiriləcək "Şamaxı" - "Səbail" və "Sabah" - "Neftçi" görüşləri ilə yekun vurulacaq.
-----------------------------------
Bu gün Misli Premyer Liqasında XIX turun daha 2 oyunu keçiriləcək.
Sportnet.az-ın məlumatına görə, günün ilk matçında lider "Qarabağ" "Turan Tovuz"un qonağı olacaq. 50 xalı olan Ağdam klubu turnir cədvəlinə başçılıq edir. Tovuz təmsilçisi isə 17 xalla 6-cıdır.
İki komanda indiyədək ölkə çempionatında 2 dəfə üz-üzə gəlib. Əvvəlki matçlarda "Qarabağ" qələbə qazanıb - 3:0, 2:0. "Turan Tovuz" həm xal qazanmayıb, həm də qol vurmayıb.
Günün son oyununda "Zirə" "Sumqayıt"ı qəbul edəcək. Hazırda "qartallar" 28 xalla 4-cü, "gənclik şəhəri" təmsilçisi isə 12 xalla 9-cu pillədə qərarlaşıb.
Bunadək Premyer Liqada 29 dəfə qarşılaşan kollektivlərin duelində paytaxt təmsilçisi 15, Sumqayıtın eyniadlı komandası isə 6 dəfə qalib gəlib. 8 görüş bərabərliklə başa çatıb. Topların nisbətində də bakılıların üstünlüyü var - 37:21.
"Zirə" son 9 oyunda uduzmayıb. "Sumqayıt" isə son 8 görüşdə qol vurmayıb.
Misli Premyer Liqası, XIX tur
25 yanvar
14:00. "Turan Tovuz" - "Qarabağ" - 2:3
Qollar: Runi Eva, 23. Ehtiram Şahverdiyev, 85 - Musa Qurbanlı, 10. Ramil Şeydayev, 27. Bəhlul Mustafazadə, 89
Hakimlər: Fərid Hacıyev, Kamran Bayramov, Zöhrab Abbasov, Namiq Bəkirov
Hakim-inspektor: Ramil Diniyev
AFFA nümayəndəsi: Erkin Hüseynov
Tovuz şəhər stadionu, 14:00
16:30. "Zirə” - “Sumqayıt” - 3:1
Qollar: Dmitrios Çantakias, 50. Loris Bronyo, 73. Toni Qomes, 79 - Vüsal İsgəndərli, 4
Hakimlər: Kamranbəy Rəhimov, Cavanşir Yusifov, Teymur Teymurov, Kamran Əliyev
Hakim-inspektor: Anar Salmanov
AFFA nümayəndəsi: Rüfət Əmirov
Zirə İdman Kompleksinin stadionu
Qeyd edək ki, turun açılış matçında "Kəpəz" evdə "Qəbələ" ilə heç-heçə edib - 2:2. Tura yanvarın 26-da keçiriləcək "Şamaxı" - "Səbail" və "Sabah" - "Neftçi" görüşləri ilə yekun vurulacaq.
