Misli Premyer Liqasında XXII tura start verilib.
Sportnet.az-ın məlumatına görə, açılış oyununda "Qəbələ" "Neftçi"ni qəbul edib. Qəbələ şəhər stadionunda keçirilən matçda qapılara qol vurulmayıb.
Bu heç-heçə ilə xallarını 45-ə çatdıran "ağ-qaralar" 3-cü pillədəki mövqeyini qoruyub. 28-ci xalını qazanan "qırmızı-qaralar" isə 5-ci sırada qərarlaşıb.
Qeyd edək ki, turun "Turan Tovuz" - "Kəpəz" və "Qarabağ" - "Sabah" oyunları fevralın 11-də, "Səbail" - "Zirə" və "Sumqayıt" - "Şamaxı" matçları isə fevralın 12-də keçiriləcək.
--------------------------------
Bu gün futbol üzrə Misli Premyer Liqasında XXII tura start veriləcək.
Sportnet.az-ın məlumatına görə, ilk oyun günündə bir görüş keçiriləcək. Açılış matçında "Neftçi" Qəbələdə eyniadlı komandanın qonağı olacaq.
Hazırda "ağ-qaralar" 44 xalla 3-cü, "qırmızı-qaralar" isə 27 xalla 5-ci pillədə qərarlaşıb.
Komandalar indiyədək ölkə çempionatında 57 dəfə üz-üzə gəlib. Bunların 27-də paytaxt klubu, 17-də əyalət təmsilçisi qələbə qazanıb. 13 qarşılaşmada qalib müəyyənləşməyib. Topların nisbətində də bakılıların üstünlüyü var - 86:67.
"Neftçi" son 2 matçda iki qol vurub və qalib gəlib. "Qəbələ" son 5 ev oyununda rəqib qapısına yol tapıb.
Misli Premyer Liqası
XXII tur
10 fevral (cümə)
15:00. "Qəbələ" - "Neftçi" - 0:0
Hakimlər: Fərid Hacıyev, Akif Əmrəli, Zöhrab Abbasov, Tural Qurbanov
VAR: Rauf Cabarov
AVAR: Namiq Hüseynov
Hakim-inspektor: Ömər Paşayev
AFFA nümayəndəsi: Maşallah Əhmədov
Qəbələ şəhər stadionu.
Qeyd edək ki, turun "Turan Tovuz" - "Kəpəz" və "Qarabağ" - "Sabah" oyunları fevralın 11-də, "Səbail" - "Zirə" və "Sumqayıt" - "Şamaxı" matçları isə fevralın 12-də keçiriləcək.
