"Borussiya" (Dortmund) klubunun futbolçusu Cud Bellingem Almaniya Bundesliqasında yeni rekorda imza atıb.
Sportnet.az-ın məlumatına görə, ingiltərəli oyunçu buna XXI turda "Herta"nı 4:1 hesabı ilə məğlub etdikləri matçda nail olub.
Yarımmüdafiəçi Almaniya çempionatında ən gənc yaşda 50 qələbə qazanan futbolçu adına sahib çıxıb. O, bunu 19 yaş 235-ci günündə bacarıb.
Daha əvvəl rekord hazırda Portuqaliya "Benfika"sının formasını geyinən Yulian Drakslerə məxsus idi.
Qeyd edək ki, Cud Bellingem 2020-ci ildən "Borussiya"nın əsas komandasında çıxış edir.
