“Liverpul”un futbolçusu Roberto Firmino bu mövsümün sonunda komandadan ayrılacağını təsdiqləyib.
Sportnet.az xəbər verir ki, o, ESPN-ə müsahibəsində bu barədə danışıb:
"Bu mövzuda çox danışmayacağam. Çünki kövrələ bilərəm. Bütün bunlar mənim üçün böyük bir klubda gözəl tarixə malik bir mirasdır. Mən çox xoşbəxtəm və burada əldə etdiyimiz hər şeyə görə Tanrıya minnətdaram. Amma bu mənim üçün yeni bir çağırışdır. Komanda yoldaşlarımla birlikdə mövsümü yaxşı başa vurmaq istəyirəm”.
Qeyd edək ki, 31 yaşlı hücumçu 2015-ci ildən “Liverpul”da çıxış edir. 2022/23 mövsümündə o, 32 oyunda 11 qol vurub və 5 məhsuldar ötürmə edib.
