"Barselona"nın baş məşqçisi Xavi PSJ-nin hücumçusu Neymarı transfer etmək istəmələri ilə bağlı yayılan xəbərlərə münasibət bildirib.
Sportnet.az xəbər verir ki, o, "Football Espana"ya açıqlamasında Neymarla maraqlanmadıqlarını deyib:.
“Bu cür məlumatların yayılması qəribədir. Baxın, mən Neymarı bir insan, bir oyunçu, bir dost kimi qiymətləndirirəm. O, əla oyunçudur, lakin planlarımıza daxil deyil. Bizim klubun transfer siyasəti başqadır".
İspaniya mətbuatında yayılan məlumatlara görə, Kataloniya klubu Lionel Messinin transferinin uğursuzluğundan sonra Neymarla komandanı gücləndirmək istəyir.
Xatırladaq ki, Neymar 2017-ci ildə "Barselona"da PSJ-yə keçib. Onun klubla müqaviləsi 2025-ci ilin yayına qədərdir.
