"Neftçi"dən qalmaqallı şəkildə ayrılan Mateus Saldanya "ağ-qaralar"la vidalaşıb.
Sportnet.az xəbər verir ki, braziliyalı hücumçu İnstaqram hesabında yazıb:
"Neftçi"də yaşanan anlara, bütün futbolçulara və heyətə görə minnətdarlığımı bildirməyə gəlmişəm. Hər vidanın münaqişələri olur. Lakin mənim prioritetim ailəm və karyeramdır. Bütün "Neftçi" azarkeşləri başa düşsünlər ki, hər zaman klub üçün əlimdən gələni etdim. Gözəl mövsümünüz olsun. Minnətdaram".
Qeyd edək ki, Saldanya bu ilin yanvarında Yaponiyanın “CEF Yunayted” klubundan icarəyə götürülmüşdü. "Neftçi" bir neçə gün əvvəl intizamsız davranışına görə Saldanya ilə yollarını ayırdığını açıqlamışdı.
