Çempionlar Liqasının III təsnifat mərhələsində Ağdamın "Qarabağ" klubun rəqibi olan Avstriya "Zalsburq"unun futbolçusu Martin Hinteregger ölkə çempionatının son turunda qalib gəldikləri "Rid"lə oyun (2:0) haqda fikirlərini bildirib. Spotnet.az-ın məlumatına görə, futbolçu qarşıdan gələn "Qarabağ”la oyuna da toxunub:
"Rəqibimiz taktiki cəhətdən çox gücıü idi. Ancaq biz azlıqda qalsaq da, sona qədər mübarizə apardıq və qalib gəldik. Düşünürəm ki, layiqli qələbə qazandıq. Çempionlar Liqasında mübarizəmizi davam etdirməyə çalışırq. Çərşənbə günü bizi daha çətin oyun gözləyir. Səfərdə "Qarabağ”a uduzsaq da, doğma meydanda qələbə qazanacağımıza ümid edirəm. Ancaq bu, asan olmayacaq”.
Qeyd edək ki, "Zalsburq” – "Qarabağ” matçı 6 avqustda Bakı vaxtı ilə 23:30-da başlanacaq.
