Bu gün Avropa Voleybol Konfederasiyasının (CEV) I vitse prezidenti Renato Arena, Türkiyə Voleybol Federasiyasının, CEV-in vitse-prezidenti Özkan Mutlugil Bakıya gələcək. Sportnet.az-ın məlumatına görə, 4 gün davam edəcək səfərin əsas məqsədi paytaxtda keçiriləcək Avropa Çempionatının final mərhələsi üçün aparılan hazırlıq işlərinə baxmaqdır.
Artıq Azərbaycan Voleybol Federasiyası Avropa Çempionatının keçirilməsi üçün özünün təşkilat komitəsini yaradıb və görüləcək işlərlə bağlı bir neçə iclas keçirib. Çempionatın logosunun yaradılması üçün AVF tender keçirməyi nəzərdə tutub. Tenderin qalibi federasiyas tərəfindən mükafatlandırılacaq.
Qeyd edək ki, 2017-ci ilin sentyabr və oktyabrında Bakıda qadınlar arasında Avropa Çempionatının final mərhələsi baş tutacaq. Avropa Çempionatı Azərbaycan və Gürcüstanda olacaq. Bir qrupun oyunları Gürcüstanda, 3 qrup və bir final oyunu Azərbaycanda keçiriləcək.
