Bu gün Birləşmiş Ərəb Əmirliklərinin Abu Dabi şəhərində Xüsusi Yay Olimpiya Oyunları start götürüb.
Sportnet.az-ın məlumatına görə, nüfuzlu yarışda Azərbaycanı 10 idman növü üzrə 54 atlet təmsil edir. Bu gün Bakı vaxtı ilə saat 19:00-da start götürəcək açılış mərasimində Olimpiya Oyunlarının bayrağını daşıyan səkkiz atletdən biri Azərbaycanın xüsusi olimpiyaçısı - basketbolçu Sarvan Seyidov olacaq.
Qeyd edək ki, martın 21-də yekun vurulacaq Xüsusi Yay Olimpiya Oyunlarında 170 ölkədən 7 000-dən çox atlet 24 idman növü üzrə mübarizə aparacaq.
