Prezident İlham Əliyev Ramil Qasımova Azərbaycan Respublikası Prezidentinin xüsusi olimpiya təqaüdünün verilməsi haqqında sərəncam imzalayıb.
Sportnet.az xəbər verir ki, sərəncamla XV Rio-de-Janeyro Yay Paralimpiya Oyunlarında qazandığı yüksək nailiyyətə görə Ramil Famil oğlu Qasımova Azərbaycan Respublikası Prezidentinin xüsusi olimpiya təqaüdü veriləcək.
Nazirlər Kabinetinə bu sərəncamdan irəli gələn məsələləri həll etmək tapşırılıb.
Qeyd edək ki, cüdoçu Ramil Qasımov 2016-cı il Rio-de-Janeyro Yay Paralimpiya Oyunlarında qızıl medal qazanıb. O, həmçinin dünya və ikiqat Avropa çempionudur.
