Avstriyada təlim-məşq toplanışında olan "Qarabağ"ın iyunun 30-da keçirəcəyi yoxlama görüşündəki rəqibi dəyişib. Sportnet.az-ın klubun rəsmi saytına istinadən məlumata görə, Ağdam təmsilçisi həmin gün "Ştutqart"ın 2-ci komandası ilə qarşılaşmalı idi.
Lakin rəqibin futbolçularının millinin aşağı yaş qruplarına dəvət alması planda dəyişikliyə səbəb olub. Belədə "Qarabağ" iyunun 30-da Avstriyanın "SV Horn" klubu ilə qarşılaşacaq.
Qeyd edək ki, matç Bakı vaxtı ilə saat 20:45-də başlayacaq.
