"Neftçi” komandası daha bir yoxlama oyunu keçirib. Sportnet.az-ın məlumatına görə, "ağ-qaralar" bu dəfə AZAL klubu ilə qarşılaşıb.
İsmət Qayıbov adına Bakıxanov qəsəbə stadionunda baş tutmuş oyun 1:1 hesabı ilə nəticələnib. "Neftçi”nin heyətində yeni transfer Anyete fərqlənib. Bundan əvvəlki yoxlama görüşündə debüt edərək əvəzedici heyətin qapısına yol tapmış ispaniyalı hücumçu ardıcıl ikinci oyunda qol vurub.
Qeyd edək ki, milli komandalarımızın düşərgəsində olmaları səbəbindən "Neftçi”nin əsas heyətinin 8 futbolçusu AZAL-la oyunda meydana çıxmayıb.
