"Qarabağ" klubu heyətini yeni futbolçu ilə gücləndirib. Sportnet.az-ın məlumatına görə, bu barədə "Report"a klubun icraçı direktoru Əmrah Çəlikəl məlumat verib.
Klub rəsmisi bildirib ki, makedoniyalı Vladimir Dimitrovski ilə 1+1 illik müqavilə imzalanıb. Klubunda yaranan problemlərlə bağlı Ağdam təmsilçisinin yeni transferi Avropa Liqasının qrup mərhələsində çıxış edə bilməyəcək. 26 yaşlı müdafiəçi yanvara qədər yalnız ölkə çempionatı və kubok oyunlarında forma geyinəcək.
Ə.Çəlikəl komandanın "Tottenhem"lə oyun üçün səfər vaxtını da açıqlayıb. Onun sözlərinə görə Qurban Qurbanovun komandası ayın 15-də yola düşəcək.
