"Neftçi" klubunun Müşahidə Şurasının sədri Çingiz Abdullayev son günlər "Pen-klub Azərbaycan"la bağlı yayılan xəbərlərə aydınlıq gətirib. Sportnet.az-ın "Report"a məlumatına görə, Ç.Abdullayev şəxsi "Facebook" səhifəsində "Pen klub Azərbaycan"ın varlığını təsdiq edən Ədliyyə Nazirliyinin Qeydiyyat Şəhadətnaməsinin və Vergilər Nazirliyi Asan Sertifikat Xidmətləri Mərkəzi Elektron İmza üçün sertifikatın fotolarını yayımlayıb.
O, fotolara yazdığı şərhdə isə klubun baş direktorunun Elmar Şeyxzadə olduğunu bildirib. Sertifikatda imza sahibinin Ç.Abdullayev olduğu bildirilir. Şəhadətnamə isə Beynəlxaq Pen Təşkilatı Azərbaycan Pen-klubunun fəaliyyəti üçün təqdim olunub.
Qeyd edək ki, bir neçə gün öncə Çingiz Abdullayev mətbuata açıqlamasında Pen klubun ondan Azərbaycan klublarının 3 illik beynəlxalq yarışlardan kənarlaşdırılması haqda sənədə qol çəkməyi tələb etdiklərini deyib.