Azərbaycan və Norveç yığmaları ilə AVRO-2016-nın seçmə qrup matçından üz-üzə gələcək İtaliya milli komandasının heyətinə yeni futbolçu çağırılıb. Sportnet.az-ın məlumatına görə, baş məşqçi Antonio Konte "Sassuolo"nun hücumçusu Domeniko Berardini ilk dəfə milliyə dəvət edib.
Bundan başqa, "Milan"ın yarımmüdafiəçisi Rikkardo Montolivo 2014-cü ilin mayında İrlandiya ilə yoldaşlıq görüşündə aldığı zədədən sonra ilk dəfə yığmada olacaq.
Əvəzində "Roma"nın orta xətt oyunçusu Daniele De Rossiyə dəvət göndərilməyib. 32 yaşlı futbolçu Bolqarıstanla AVRO-2016-nın seçmə qrup matçında birbaşa qırmızı vərəqə alması səbəbindən 2 oyunluq cəzalanıb.
Qeyd edək ki, millimizlə oyun oktyabrın 10-da Bakı, Norveçlə qarşılaşma isə oktyabrın 13-də Roma olimpiya stadionlarında olacaq.
