"Qəbələ"nin futbolçusu Ermin Zets Bosniya və Herseqovina yığmasına AVRO-2016-nın qalan seçmə matçlarında kömək edə bilməyəcək. Sportnet.az-ın məlumatına görə, 27 yaşlı hücumçu millinin düşərgəsində zədələnib.
O, çiynindən xəsarət alıb. Zetsdən əlavə, Sead Kolaşinats və Tino-Sven Suşiç də zədəlidir.
Qeyd edək ki, AVRO-2016-nın seçmə mərhələsində B qrupunda yer alan Bosniya və Herseqovina millisi oktyabrın 10-da Uelsi qəbul edəcək. Bundan 3 gün sonra isə rəqib Kipr olacaq.
