Bu gün "Qəbələ" komandası Avropa Liqasında növbəti oyununu keçirib. Sportnet.az-ın məlumatına görə, Azərbaycan təmsilçisinin qrup mərhələsinin III turunda rəqibi Almaniyanın "Borussiya" (Dortmund) klubu olub.
"Bakcell Arena"da baş tutmuş qarşılaşma meydan sahiblərinin məğlubiyyəti ilə nəticələnib - 1:3. Tarixində ilk dəfə Avropa Liqasının qrup mərhələsinə yüksələn "Qəbələ" doğma azarkeşlər önündə 3 xal qazanacağı təqdirdə qrupdakı mövqeyini bir az da yaxşılaşdıracaq və qrupun digər oyununun nəticəsində asılı olmayaraq ikinci pilləyə yüksələcəkdi. Oyunun əvvəllərində Roman Qriqorçukun komandası bir neçə təhlükəli vəziyyət yaratsa da, heç birindən fərqlənə bilməyib. Əvəzində Pyer-Emerik Obameyanq "het-trik" edərək, komandasını böyük fərqlə irəli çıxarıb. Yalnız uzatma dəqiqəsində Dodo təsəlli qolunu vura bilib. Qrupun digər oyununda isə "Krasnodar" (Rusiya) və PAOK (Yunanıstan) komandaları qolsuz heç-heçə ediblər. Bununla da "Qəbələ" 1 xalla sonuncu pillədə qalıb.
Avropa Liqası, III tur
22 oktyabr
C qrupu
20:00. "Qəbələ” – "Borussiya” (Dortmund, Almaniya) - 1:3
Qol: Dodo - 90+2 - Pyer-Emerik Obameyanq, 31; 38; 71
"Qəbələ": 22. Dmitri Bezotosnı, 3. Vojislav Stankoviç, 15. Vitali Vernidub, 20. Rikardinyo, 21. Arif Daşdəmirov, 10. Dodo (k), 19. Aleksey Qay, 88. Derlis Meza Kolli, 9. Sergey Zenyov, 32. Fakundo Pereyra, 69. Aleksey Antonov
Ehtiyat oyunçular: 33. David Pietrzkieviç, 34. Ürfan Abbasov, 4. Elvin Camalov, 6. Rəşad Sadiqov, 66. Samir Zərgərov, 7. Ermin Zets, 8. Məhəmməd Mirzəbəyov
Baş məşqçi: Roman Qriqorçuk
"Borussiya": 1. Roman Veydenfeller, 3. Jo Ho Park, 15. Mats Hummels (k), 25. Sakratis Papastatopoulos, 28. Mattias Ginter, 33. Julian Veyql, 7. Jonas Hofmann, 8. İlkay Gündoğan, 11. Marko Roys, 23. Sinci Kagava, 17. Pyer-Emerik Abameyanq
Ehtiyat oyunçular: 38. Roman Burki, 26. Likas Pisçek, 29. Marsel Şmelzer, 6. Sven Bender, 9. Adnan Januzay, 27. Qonzalo Kastro, 20. Adrian Ramos
Baş məşqçi: Tomas Tuxel
Baş hakim: İvan Bebek (Xorvatiya)
Baş hakimin köməkçiləri: Tomislav Petroviç, Miro Qrqiç (hər ikisi Xorvatiya)
Əlavə köməkçi hakimlər: Mariyo Strahonya, Qoran Qabrilo (hər ikisi Xorvatiya)
Dördüncü hakim: Qoran Pataki (Xorvatiya)
UEFA nümayəndəsi: Filipp Prudon (Fransa)
Hakim-inspektor: Nikolay Levnikov (Rusiya)
Bakı. "Bakcell Arena” stadionu
