"Sıx qrafiki qələbə ilə başa vurduq. Futbolçulardan və qazanılan nəticədən razıyam". Sportnet.az-ın məlumatına görə, bunu "Qarabağ"ın baş məşqçisi Qurban Qurbanov "Xəzər Lənkəran"ı səfərdə 1:0 hesabı ilə yendikləri Azərbaycan Premyer Liqasının XII tur matçından sonra deyib.
O, cənub komandasının gənc futbolçularını tərifləyib: "Xəzər Lənkəran”ın heyətində yaxşı gənc oyunçular var. Onlar gələcəkdə Azərbaycanın əsas futbolçularından olacaqlar”.
Qurbanov bu görüşdən sonra bir müddət istirahət edəcəklərini də əlavə edib.
