Bu gün futbol üzrə Azərbaycan Premyer Liqasının XIII turuna yekun vurulub. Sportnet.az-ın məlumatına görə, turun son oyununda "İnter" və AZAL komandaları qarşılaşıblar.
"İnter Arena"da keçirilən oyunun ilk dəqiqələrindən hücuma atılan meydan sahibləri 30-cu dəqiqədə məqsədinə nail olub. "Bankirlər"in heyətində Dieqo Martins künc zərbəsindən qaldırılan topu tora qovuşdurub. ilk 45 dəqiqə "İnter"in 1:0 hesablı qələbəsi ilə yekunlaşıb.
İkinci hissədə də meydan sahibləri üstünlüyü əldən verməyib. Abbas Hüseynov 85-ci dəqiqədə komandasının ikinci qoluna imza atıb və 90 dəqiqənin sonunda qələbə qazanan tərəf "İnter" olub - 2:0. Bu qələbə sayəsində xallarını 23-ə çatdıran "İnter" şəxsi göstəricilərdəki üstünlüyü sayəsində "Qəbələ"ni də keçərək, 2-ci pilləyə yüksəlib.
"İnter” – AZAL - 2:0
Qollar: Dieqo Martins, 30, Abbas Hüseynov, 85
Hakimlər: Rəvan Həmzəzadə, Mehman Mahmudov, Coşqun Həsənov, Munis Abdullayev
Əlavə köməkçi hakimlər: Rəhim Həsənov, Fariz Yusifov
"İnter Arena”
