Bakının "İnter” klubu daha iki futbolçunu heyətinə cəlb edib. Sportnet.az-ın qol.az-a istinadən məlumata görə, bunlar Azərbaycan milli komandasının üzvləri Vüqar Nadirovla Kamran Ağayevdir.
Hər iki futbolçu ilə 6 aylıq müqavilə bağlanacağı bildirilir.
Qeyd edək ki, Vüqar Nadirov ötən mövsüm "Qarabağ”dan ayrıldıqdan sonra "Xəzər Lənkəran”a keçib. Klubun transfer qadağası səbəbindən cənub təmsilçisində forma geyinə bilməyən 28 yaşlı hücumçu "Qəbələ”yə transfer olunub. Burada da forvard əsas komandada şans qazanmayıb. Kamran Ağayev isə ötən mövsümü Türkiyə I Liqasında mübarizə aparan "Karşıyaka”da keçirib.
Buna qədər Abdulla Abatsiyev, Səlahət Ağayev, İvan Benites, Xuan Fransisko, Emilian Vila, Stepan Polyak və Dieqo Martinslə yollarını ayıran "bankirlər” Mirhüseyn Seyidov, Rauf Əliyev, Fuad Bayramov, Nizami Hacıyev, Ruslan Əmircanov, İlkin Qırtımov, Elnur Abdullayev və Denis Silva ilə müqaviləni yeniləyib.
