"Qarabağ" klubu sabiq futbolçusu Muarem Muaremlə müqavilə imzalayıb. Sportnet.az-ın məlumatına görə, bu barədə "Report"a klubun direktoru Əmrah Çəlikəl məlumat verib.
O bildirib ki, makedoniyalı yarımmüdafiəçi ilə sonradan daha 2 il uzadıla bilməsi şərti ilə 6 aylıq anlaşma əldə olunub. 27 yaşlı futbolçu hazırda Ağdam komandası ilə birgə Türkiyənin Antalya bölgəsində təlim-məşq toplanışındadır. Daha öncə "Qarabağ" "Xəzər Lənkəran"dan ayrılan Azərbaycan milli komandasının yarımmüdafiəçisi Rahid Əmirquliyevlə eyni müddətə anlaşıb.
Qeyd edək ki, 2012-ci ildən "Qarabağ"da çıxış edən Muarem Muarem yay transfer pəncərəsində Türkiyənin "Eskişehirspor" klubuna transfer olunub. Lakin o, iki ay öncə həmin klubla müqaviləni pozub.
