"Qəbələ"nin sabiq futbolçusu Lorentso Ebesilio Rusiya "Mordoviya"sının heyətində ilk rəsmi matçındaca ağır zədə alıb. Sportnet.az-ın məlumatına görə, 23 yaşlı yarımmüdafiəçi Premyer Liqanın ilk turunda "Ural"la səfər matçında ayağını qırıb.
Meydanı xərəkdə tərk edən hollandiyalı oyunçunu daha bir keçmiş "Qəbələ"li İbrahima Niasse əvəzləyib. Görüş isə qonaq komandanın qələbəsi ilə yekunlaşıb - 3:2.
Qeyd edək ki, "Mordoviya"nın baş məşqçisi ötən mövsüm "Qəbələ"yə rəhbərlik etmiş Yuri Syomindir.
