"Qəbələ" klubundan ayrılan Rail Məlikov bu gün Türkiyənin "Dənizlispor" klubu ilə müqavilə imzalayacaq. Sportnet.az-ın "Anadolu" agentliyinə istinadən məlumatına görə, bir həftədir komanda ilə məşqlərə qatılan təcrübəli müdafiəçi baş məşqçi Özcan Bizati tərəfindən bəyənilib.
Bizati Məlikovun keçidi üçün klub rəhbərliyinə müsbət rəy verdiyini bildirib. O, ötən mövsüm zədə üzündən müqaviləsini pozduqları futbolçunun hazırda səhhəti ilə bağlı probleminin olmadığını açıqlayıb: "Məlikovun heyətə daxil edilməsini istədim. İndiyədək bir çox oyunçu aldıq. Hamısı komanda üçün faydalıdır".
Qeyd edək ki, Rail Məlikov ötən mövsümün ikinci yarısını "Qəbələ"də keçirib. Lakin o, "qırmızı-qaralar"la yeni müqavilə məsələsində razılığa gələ bilməyib.
