Məşhur ukraynalı futbolçu və məşqçi Andrey Bal 57 yaşında vəfat edib. Sportnet.az-ın məlumatına görə, 4 qat SSRİ çempionu bu gün səhər veteranlarla birgə oynadığı matçda özünü pis hiss edib.
Çox güman ki, Balın ürəyi yüklənməyə dözməyib. Nəticədə o, həyatını itirib.
Qeyd edək ki, Andrey Bal Kiyev "Dinamo"sunun heyətində SSRİ çempionluqlarından əlavə, 4 dəfə SSRİ Kubokunu və 1986-cı ildə Kuboklar Kubokunu qazanıb. SSRİ millisində isə o, yeniyetmələr arasında Avropa və dünya çempionu olub, böyüklər arasında dünya və Avropa çempionatlarına qatılıb. Son illər Bal "Dinamo"da əvvəlcə köməkçi-məşqçi, sonra isə seleksiyaçı-məşqçi kimi çalışıb.
