"Qarabağ"ın futbolçusu Reynaldo Silva daha bir tanınmış klubun maraq dairəsinə düşüb. Sportnet.az-ın "fichajes.net"ə istinadən məlumatına görə, bu, İspaniya La Liqasında mübarizə aparan "Levante"dir.
Ötən mövsümü 10-cu pillədə başa vurmuş klubun rəhbərliyi hücum xəttini gücləndirmək niyyətindədir. Bu məqsədlə transfer siyahısına Reynaldo da daxil edilib. Amma "Levante" 25 yaşlı qolçu uğrunda mübarizədə Avstriyanın "Zalsburq", Almaniyanın "Ayntraxt" və "Hoffenhaym" klubları ilə mübarizə aparmalı olacaq.
Qeyd edək ki, "Qarabağ" rəhbərliyi hələlik Reynaldo üçün heç bir klubdan rəsmi təklif almadığını açıqlayıb.
