Fransa "Lill"i ilə Portuqaliya "Portu"su arasındakı Çempionlar Liqasının ilk "pley-off" matçı üstü bağlı stadionda keçirilə bilər. Sportnet.az-ın məlumatına görə, bu barədə "Lill"in baş məşqçi Rene Jirar açıqlama verib.
O bildirib ki, Fransanın şimalını leysan yağışları bürüyüb. "Pyer Morua" stadionu isə hərəkətli örtüyə malikdir: "Biz rəqibin oksigenini almaq istəyirik. Bu, zarafatdır. Əsl həqiqətdə isə məqsədimiz oyunu azarkeşlər üçün komfortlu etməkdir. Meydanı bağlamağımızdan heç bir üstünlüyümüz olmayacaq".
Qeyd edək ki, "Lill" - "Portu" matçı bu gün saat 23:45-də başlayacaq.
