"Neftçi" klubu Serbiya "Partizan"ı ilə Avropa Liqasının "pley-off" mərhələsinin cavab görüşünü Tofiq Bəhramov adına Respublika stadionunda keçirmək üçün mərkəzi arena rəhbərliyinə müraciət etməyib. Bu barədə Sportnet.az-a stadionun direktoru Akif İsmayılov məlumat verib.
İsmayılov "Neftçi"nin "Partizan"ı Respublika stadionunda qəbul edəcəyi barədə xəbərləri yalnız mətbuatdan oxuduğunu biıldirib. Onun sözlərinə görə, flaqman bu arenadan yararlanmaq üçün ilk növbədə, stadionun durumu ilə maraqlanmalı və müqaviləyə imza atmalıdır: "Bizim yalnız "Qarabağ”la müqaviləmiz var. "Neftçi” oyununu burada keçirtmək istəyi ilə bizə müraciət etməyib. Onların "Bakcell Arena”sı var. UEFA-nın saytının nə yazdığı mənə maraqlı deyil. Klubun prezidenti Sadıq Sadıqovla dostam, yaxınam. Ancaq bu klubdan bizə nə rəsmi, nə də şifahi bildiriş gəlib. Təklif olunsa belə, deyəcəyəm ki, stadionun vəziyyəti budur. Oynadıqdan sonra mənə şikayət etməsinlər ki, stadionunun ot örtüyü pis vəziyyətdə idi. Cavab görüşünədək ot örtüyündə ciddi dəyişiklik gözlənilmir".
Direktor Hollandiya "Tvente"si ilə Avropa Liqasının ilk "pley-off" matçından sonra "Qarabağ"ın meydanın ot örtüyündən narazılığını anlayışla qarşılayıb. İsmayılov ot örtüyünün korlanmasını havaların isti keçməsi ilə əlaqələndirib.
Qeyd edək ki, "Neftçi" və "Partizan" arasında cavab görüşü avqustun 28-də keçirilməlidir.
İsmayılov "Neftçi"nin "Partizan"ı Respublika stadionunda qəbul edəcəyi barədə xəbərləri yalnız mətbuatdan oxuduğunu biıldirib. Onun sözlərinə görə, flaqman bu arenadan yararlanmaq üçün ilk növbədə, stadionun durumu ilə maraqlanmalı və müqaviləyə imza atmalıdır: "Bizim yalnız "Qarabağ”la müqaviləmiz var. "Neftçi” oyununu burada keçirtmək istəyi ilə bizə müraciət etməyib. Onların "Bakcell Arena”sı var. UEFA-nın saytının nə yazdığı mənə maraqlı deyil. Klubun prezidenti Sadıq Sadıqovla dostam, yaxınam. Ancaq bu klubdan bizə nə rəsmi, nə də şifahi bildiriş gəlib. Təklif olunsa belə, deyəcəyəm ki, stadionun vəziyyəti budur. Oynadıqdan sonra mənə şikayət etməsinlər ki, stadionunun ot örtüyü pis vəziyyətdə idi. Cavab görüşünədək ot örtüyündə ciddi dəyişiklik gözlənilmir".
Qeyd edək ki, "Neftçi" və "Partizan" arasında cavab görüşü avqustun 28-də keçirilməlidir.
